இன்று இணையத்தை அறியாதவர்கள் கூட பேஸ்புக்கை அறிந்து கொள்ளும் அளவிற்கு மக்களிடம் அது வியாபித்து சுமார் 1.11 பில்லியன் பயனர்களை தன்வசப்படுத்தியுள்ளது.
உலக சனத்தொகையுடன் பேஸ்புக் பயனர்களின் எண்ணிக்கை ஒப்பிடுகையில் 7 பேருக்கு ஒருவர் பேஸ்புக்கினைப் பயன்படுத்துகின்றனர்.
இந்நிலையில் அண்மையில் இணைய சந்தை நிறுவனமொன்று மேற்கொண்ட ஆராய்ச்யிலிருந்து வெளிவந்த தகவல் மிகவும் விநோதமாகவும் அதிர்ச்சியாகவும் உள்ளது.
அதாவது இந்நிறுவனம் மேற்கொண்ட ஆய்வு அறிக்கையின் படி 1.11 பில்லியன் பேஸ்புக் பயனர்களில் 889.3 மில்லியன் பயனர்கள் மட்டுமே மனிதர்களாம். மேலும் பேஸ்புக் பயனர்களில் மார்க் ஷக்கபேர்கின் பீஸ்ட் எனும் நாய் உட்பட 10 சத வீதமானவை மனிதர்களல்லதவை என அவ்வாய்வறிக்கை குறிப்பிடுகிறது.
மார்க் ஷக்கர்பேர்க்கின் செல்லப்பிராணியான பீஸ்ட் எனும் நாயினை 1.5 மில்லியன் பேர் லைக் செய்துள்ளமை குறிப்பிடத்தக்கது.
இதேவேளை சமூக இணையத்தளங்களில் மிக அதிகளவான பயனர்களைக் கொண்டுள்ள பேஸ்புக்கில் இவ்வாண்டின் புதிய பயனர்கள் இந்தியா, பிரேசில், ரஷ்யா, மத்திய கிழக்கு நாடுகள் மற்றும் ஆபிரிக்கா ஆகிய நாடுகளிலேயே அதிகளவில் காணப்படுகிறது.
ஏனைய நாடுகளிலிருந்து வரும் பயனர்கள் வளர்ச்சி வீதமானது 30 சத வீதமானவை மட்டுமே எனக் ஆய்வு தெரிவிக்கின்றது.
